ხშირად ლიდერები, პოლიტიკის განმსაზღვრელები და პროგრამის ხელმძღვანელები მხედველობაში არ იღებენ პრობლემის გამომწვევ ძირეულ მიზეზებს, კერძოდ, ადამიანების ქვეცნობიერ მიდრეკილებებს და მენტალურ მოდელებს, ასევე, სოციალურ ან ფიზიკურ კონტექსტს, რომელშიც ისინი გადაწყვეტილებებს იღებენ და მოქმედებენ. 

ქცევითი ინსაითები გვეხმარება, გავიაზროთ, თუ რა ზემოქმედებას ახდენს კონტექსტი და ადამიანის ქვეცნობიერი მიდრეკილებები თუ მენტალური მოდელები მათ მიერ გადაწყვეტილების მიღებასა და ქცევაზე. 

მსოფლიოში ქცევითი ინსაითების მიდგომის მრავალწლიანმა გამოყენებამ აჩვენა, რომ ადამიანის ქცევის სიღრმისეული ცოდნა ხელს უწყობს ადამიანზე უფრო მეტად ორიენტირებული პროგრამებისა და პროექტების შემუშავებას, რომლებიც მდგრად სოციალურ და ორგანიზაციულ ცვლილებებს იწვევენ.