კომუნიკაცია პანდემიის დროს: ვუთხრათ უარი კორპორაციულ ეგოიზმს

როდესაც ჩვენი მომხმარებლების 95% თვითიზოლაციაში ან კარანტინშია, ჩვენს მომხმარებლებს ახლა ყველაზე ნაკლებად აინტერესებთ კონტენტი, რომელიც “თვითორიენტირებულია”- ანუ ორიენტირებულია მხოლოდ ორგანიზაციის ან ბრენდის საკუთარ ინტერესებზე.

ავტორი: თინათინ სტამბოლიშვილი

როდესაც ჩვენი მომხმარებლების 95% თვითიზოლაციაში ან კარანტინშია, ჩვენს მომხმარებლებს ახლა ყველაზე ნაკლებად აინტერესებთ კონტენტი, რომელიც “თვითორიენტირებულია” – ანუ ორიენტირებულია მხოლოდ ორგანიზაციის ან ბრენდის საკუთარ ინტერესებზე. თუ სხვა დროს კომუნიკაციის ან მარკეტინგის მენეჯერებს უჭირდათ მომხმარებელზე ორიენტირებული კონტენტის შექმნა – რადგან ეს გაცილებით მარტივია და ნაკლებ ძალისმხევას მოითხოვს, დღეს, პანდემიის პირობებში, ეს უბრალოდ საერთოდ არ მუშაობს .

სპეციალისტები იწყებენ საუბარს ე.წ. სიცოცხლისუნარიან კონტენტზე და თუ რა არის დღეს რელევანტური. 


ჯანდაცვის კომუნიკაციის გლობალური კომპანია W2O ყოველწლიურად ატარებს ე.წ. “ბრენდის რელევანტურობის კვლევას” და ადგენს, თუ რამდენად პასუხობს ესა თუ ის ორგანიზაცია მომხმარებლის და საზოგადოების ინტერესს. კოვიდთან დაკავშირებული კრიზისმა, მათი 2020 წლის აპრილის კვლევის მიხედვით, ახალი მოთხოვნები დააყენა საზოგადოებასთან ურთიერთობაში და ზოგადად, სტრატეგიულ კომუნიკაციაში. “სოციალური ვალუტა” კიდევ უფრო დიდ მნიშვნელობას იძენს, უფრო კონკრეტულად კი “ ეგოიზმისგან დაცლილი “ კომუნიკაცია, კულტურული და ემოციური სპეციფიკის გათვალისწინებით.

ამ მოდელიდან ჩანს, რომ კომუნიკაციის შეფასებისას რაოდენობრივი პარამეტრი აღარ არის საკმარისი – მხოლოდ ხილვადობა (impressions) ან მედია გამოვლინების “იმედად” ვეღარ ვიქნებით, არამედ უფრო დიდი ყურადღება იმაზე უნდა გაკეთდეს, ხვდება თუ არა ჩვენს მიერ შექმნილი მასალა მესამე მხარის კონტენტში. რაც უფრო მეტია ასეთი გამოვლინება, მით მეტია ამ კონტენტის “სოციალური ღირებულება” ბრენდისთვის. აქცენტი გარე სტეიკჰოლდერებზე უნდა გაკეთდეს და უფრო მეტიც, მხოლოდ იმის კომუნიკაცია უნდა მოხდეს, რაც მათ აინტერესებთ. 

ფეისბუქის მიერ ჩატარებული ბოლო კვლევით (იხილეთ სრული მასალა ვებინარიდან), მომხმარებლების ძირითადი ინტერესი ჯანმრთელობის , სიმშვიდის და უსაფრთხოების შენარჩუნებას უკავშირდება და ეს ყველა სექტორზე ვრცელდება. ადამიანები დიდ ყურადღებას აქცევენ , თუ როგორ იცვლება ბრენდის მომსახურება მათ საკეთილდღეოდ და ახლა კარგი დროა სწორედ ამის საკომუნიკაციოდ: 

ცნობილი კვლევითი ორგანიზაცია WARC-ის შვილობილი “მარკეტინგის ხელმძღვანელების საბჭოს” (CMO Growth Council) სარეკომენდაციო დოკუმენტი შეიმუშავა და მათი რჩევით, კოვიდის კრიზისის პერიოდში კომუნიკაციის ფოკუსირება სამ საკითხზე უნდა მოხდეს: 

  • თანამშრომლები და მათი უსაფრთხოება
  • შიდა ოპერაციების ცვლილებები და ეფექტი ეპიდემიასთან ბროლაში 
  • ფასიანი მედიის (რეკლამის) როლის ადეკვატური შეფასება  

თანამშრომლები

საზოგადოება განსაკუთრებით მგრძნობიარეა ახლა იმის მიმართ, თუ როგორ იქცევიან ორგანიზაციები თანამშრომლების მიმართ, არის თუ არა მათი პრიორიტეტი თანამშრომლებზე ზრუნვა და სამუშაო ადგილების შენარჩუნება. მომხმარებლების “თანაგრძნობას” და ჩართულობას გაცილებით მარტივად მოიპოვებთ, თუკი ჩანს, ამით აქტივობის მთავარი მიზანი თანამშრომლების უსაფრთხოებაა და პირიქით, უაყროფით რეაგირებას მიიღებთ, გაუაზრებელი მესიჯით, სადაც არ ჩანს თანამშრომელზე ზრუნვა: 

ამ განცხადებაზე სპარის ადმინისტრაციას არაერთი განმარტების გაკეთება მოუწია, რომ საზოგადოების ნეგატიური გამოხმაურება გაენეტრიალებინა – მომხმარებლებისთის მიუღებელი აღმოჩნდა განცხადების არამზრუნველ, ზედაპირული ტონი.

არაერთი სტატია გამოჩნდა ამერიკულ და მსოფლიო პრესაში, რომელიც სტარბაქსის მენეჯმენტს აკრიტიკებდა არასათანდო რეაგირებისთვის – მენეჯმენტი უგულებელყოფდა გაციებისა და ვირუსული ინფექციის ნიშნებს და აიძულებდა თანამშრომლებს, გამოსულიყვნენ სამუშაოზე და ამით საფრთხის ქვეშ აგდებდა არამხოლოდ შიდა პერსონალის, არამედ მომხმარებლების ჯანმრთელობასაც. კრიტიკის საპასუხოდ, სტარბაქის მთავარმა აღმასრულებელმა პირმა განცხადება გააკეთა, რომ მაღაზიების დახურვის მიუხედავად, მინიმუმ ერთი თვის ხელფასს გადაუხდიდა დროებით შვებულებაში გაშვებულ თანამშრომლებს, ხოლო დანარჩენი პერსონალი გაზრდილ ანაზღაურებას მიიღებდნენ.

იგივე რეაქცია მოჰყვა მაკდონალდსის ლოგოს დროებით მეტამორფოზას (სოციალური დისტანცირების ამსახველი დაშორებული არკები):

უნდა აღინიშნოს, საქართველოში არაერთი დადებითი მაგალითი გვაქვს, როდესაც კომპანიებმა პირველი კომუნიკაცია სწორედ თანაშრომელთა უსაფრთხოებით დაიწყეს და დააანონსეს ოპერაციების დისტანციურ რეჟიმში გადატანა – რამდენიმე მათგანმა საკმაოდ წარმატებით მოახერხა ეს ერთი შეხედვით წარმოუდგენელი სირთულის რეორგანიზაცია და ეფექტური კომუნიკაციაც აწარმოა ამის თაობაზე.

შიდა საოპერაციო სისტემები და როგორ დაეხმარებით ინფექციის წინააღმდეგ ბრძოლას 

არაერთი მაგალითი გვაქვს მსოფლიოში, თუ როგორ გადაეწყო საწარმოო ან საოპერაციო პროცესი ადამიანების დასახმარებლად და ინფექციის წინააღმდეგ საბრძოლველად. ცნობილი პარფიუმერული ბრენდების მიერ წარმოებული ხელის სადეზნიფექციო გელებიდან დაწყებული, ზუმის მიერ ჩაშვებული ინოვაციებით დამთავრებული. 

საქართველოშიც უპრეცედენტო ცვლილებებს ვაკვირდებით – საკონსულტაციო და საგანმანათლებლო კომპანიების მიერ შემოთავაზებული უფასო ტრენინგ კურსები და ვებინარები, ონლაინ კონფერენციები, დისტანციური სერვისების მასიური შეთავაზება. მსგავსი ახალი მომსახურება მომხმარებლების დადებით გამოხმაურებას იწვევს და მეორეს მხრივ, ამ კომპანიების ტექნოლოგიურ განვითარებასაც უსვამს ხაზს. 

საქართველოშიც უპრეცედენტო ცვლილებებს ვაკვირდებით – საკონსულტაციო და საგანმანათლებლო კომპანიების მიერ შემოთავაზებული უფასო ტრენინგ კურსები და ვებინარები, ონლაინ კონფერენციები, დისტანციური სერვისების მასიური შეთავაზება. მსგავსი ახალი მომსახურება მომხმარებლების დადებით გამოხმაურებას იწვევს და მეორეს მხრივ, ამ კომპანიების ტექნოლოგიურ განვითარებასაც უსვამს ხაზს. 

Share

Register to training